POWER TRACK RADIO
MVO - Ek din mein bike se pura india naap diya maine.
kutubminar pe chadhke tajmahal ka photo kheecha
aur lalkile par neela paint kar ke aaya
udti cheel ka anda catch kiya maine
Announcer- YE THI HAWA MEIN BAATEIN.
[Bike sound --ziinnggg]
VO- YE HAIN HAWA SE BAATEIN
VO- TO AAP BHI HAWA MEIN BAATEIN KARNA CHHODO OR BIKE MEIN DALO
GULF POWER TRACK JO ENGINE KO DE 7% EXTRA POWER.
Godrej locker
MVO
Main ji Dronacharya. Mahabharat wala nahi ji, ye hi aaj ke Bharat wala. main shooting ki coaching deta hun ji. Mera youtube channel bhi hai ek, drona the shooter karke.
Mera ek chela hai arjun. Bahut accha shooter hai. State khel chuka hai ji. Maine usko promise kiya hai ki use India ka best shooter banaunga.
Par ji arjun ko pata chala ki eklavya naam ka koi banda world shooting championship jeet gaya. Ab isme dekhne wali baat ye hai ke eklavya Tv pe bol raha tha ki usne mere youtube channel se shooting seekhi hai.
To ji do din pehle main use mila, eklavya se. maine use guru dakshina maang li. Arjun keh raha tha ki angutha maang lo. Maine kaha ki ye to ho chuka hai bhai pehle. Use tay karne do wo kya dena chahta hai.
To ji wo le aaya godrej safety locker with biometrics security. Usne angutha lagakar locker khola or usme ek lifafa rakh diya, bola guruji aapki dakshina. Humne dakshina, matlab locker uthaya or ji wapas aa gaye. Jab locker kholne ki baari aayi to ji wo humare anguthe se khula hi nahi.
To ji baat ye samajh aayi ki chahe bharat ho ya mahabharat agar chela eklavya hai na, to ji angutha jarur maang lein.
Saloon radio
MVO
Aadarniya pitaji evam pujniya mataji
Hum sakushal bumbai pahuch gaye hain. Bahoot bada shahar hai. Shahr ke ek taraf nadi behta hai. Bada hai, par apne gaon ke talab ke mukable chhota hai. Bahut mehngai hai idhar.
Daadh me dard tha, nikalwane ke liye doctor ko dikhaye the. 500 rupya le liya, bas dekhne ka.
Daadh abhi bhi muh me hai. 5 rupay ka laung dabaye hain.
Banwari kaka humko pehchanne se mana kar diye. station par reh rahe hain. Paisa bacha rahe hain na. yahan ek jagah bahut chhoot chal raha hai. To baal katwaye the, gaon se bhi saste mein. Paisa bacha rahe hain na.
Ghar se nikalte samay aap jo sar par aashirwad ka haath rakhe the wo aashirwaad shayad wahin saloon par chhoot gaya hai. Yahan baal katwane wali dukaan ko saloon kehte hain. Ek baar fir aashirwaad ke liye wapas aa rahe hain. Pehchaan lijiyega, Ronaldo dikhne lage hain par aap hi ke hain.
Purushottam.
VO- DIRECTOR'S CUT HAIR SALOON. 80% OFF ON ALL HAIR CUTS, FROM MAY 1 TO MAY 10.
